En marcha os traballos de remodelación da rúa Santa Irene, no Son

Continúan nesta recta final de ano os traballos en Porto do Son para mellorar rúas, camiños e infraestruturas. Neste senso, o Concello informou do inicio das obras da rúas de Santa Irene, tarefas que se traducirán nunha mellora da accesibilidade e a seguridade para os peóns, achegando unha nova beirarrúa de formigón e granito (entre a rúa Avellaneda e o acceso a pavillón deportivo) que favoreza o tránsito cen por cen seguro dos viandantes.

Asemade, inclúese a habilitación de novo mobiliario urbano, árbores e unha marquesiña de aceiro que dea acubillo ás persoas usuarias do dito pavillón. O Concello explico que o Plan Único da Deputación sufragará 174.994 euros dos 179.286 euros do orzamento total. Disporase dun prazo de dezaseis semanas para o remate dos traballos.