Dodro convoca un programa de conciliación en Nadal centrado na loita pola igualdade

O obxectivo de facilitar o máximo a actividade diaria das familias durante o tempo festivo que se aveciña ao tempo que se lanza unha mensaxe creativa, integradora e non discriminatoria, o Concello de Dodro puxo en marcha o programa Concilio Nadal. De regalo: igualdade.

Levarase a cabo os días 27, 28, 29 e 30 de decembro para as crianzas de entre 4 e 9 anos, na Casa da Cultura de Dodro. Tematicamente desenvolveranse actividades ligadas á igualdade e á prevención das violencias, valores que se traballarán con manualidades, contos, xogos… Debido á COVID-19 e á necesidade de non baixar a garda en relación cos contaxios, o Concello tivo que reducir prazas dispoñíbeis e situalas en 10 participantes. A inscrición farase segundo orde de chamada a través do teléfono de Servizos Sociais 981 80 24 66.