O Concello de Boiro contará un ano mais co Belén Municipal de Nadal elaborado polo maquetista Carlos Nieto. O nacemento, que comezou a realizarse no ano 2014, está situado nun local anexo do Mercado Municipal de Boiro e está formado na actualidade por tres dioramas que representan tres escenarios distintos: Pedindo pousada, Nacemento e Fuxida de Exipto.
Como dixemos, toda a maqueta está elaborada de maneira artesanal por Carlos Nieto, que suma un total de 4.000 horas de traballo e as figuriñas que o compoñen son feitas e pintadas a man e encargadas en exclusiva para este belén de Boiro.
O espazo do Belén vaise inaugurar este venres 17 de decembro ás 19.00 horas e poderá visitarse ata o día 6 de xaneiro. O horario de apertura será de luns a venres de 17.00 a 21.00 horas; os sábados domingos e festivos de 11.00 a 14.00 horas e de 17.00 a 21.00 horas. Os días 24 e 31 de decembro abrirá de 11.00 a 14.00 e de 17.00 a 21.00 horas.
