O Concello de Boiro celebra esta fin de semana a XV edición da mostra da Camelia Sasanqua e outras, que terá lugar na sala de exposicións do Mercado Municipal o sábado 11 e domingo 12 de decembro. O programa de actividades comeza o sábado, coa apertura dende as 17.00 ata as 20.30 horas e continua o domingo en horario de mañá de 11.00 a 14.00 horas e pola tarde de 17.00 a 20.30 horas.
A mostra deste ano, que abre o ciclo de mostras da tempada 2022 que se celebran por todo Galicia ata finais de abril, traerá a Boiro 32 expositores de todas as Rías Baixas e norte de Portugal, nos que se poderá ver unha gran cantidade de camelias sasanquas ao natural.
