O Concello de Boiro, a través a área de Cultura, desenvolve unha actividade de Escape Room durante este Nadal destinada ao público infantil e familiar e tamén á mocidade. A actividade celebrarase a partir deste luns 27 de decembro e proseguirá os días 28, 29 e 30, no Local Leñaverde do Centro Social de Boiro.
O horario da actividade será en quenda de 17.00 a 18.00 horas para familias e nenos e nenas de 8 a 12 anos (acompañados dun adulto) e de 20.00 a 21.00 horas quenda para mozos e mozas.
No acceso habilitarase un punto de recollida de alimentos non perecedoiros para colaborar coa iniciativa solidaria que desenvolve o grupo de voluntariado Turbina.
O máximo de xogadores por quenda é de 10, polo que se require inscrición previa a través dos formularios habilitados na web municipal. Para o acceso é preciso presentar o certificado de vacinación.
Reserva de entradas:
Escape Room 28 dec. Sesión familiar 17:00 a 18:00
Escape Room 28 dec. Sesión moza 20:00 a 21:00
Escape Room 29 dec. Sesión familiar 17:00 a 18:00
Escape Room 29 dec. Sesión moza 20:00 a 21:00
Escape Room 30 dec. Sesión familiar 17:00 a 18:00
Escape Room 30 dec. Sesión moza 20:00 a 21:00
