O Instituto de Medicina Legal de Galicia ( Imelga) analiza a orixe dun óso atopado por un barco pesqueiro nunha zona de Porto do Son onde en xullo de 2020 desapareceron dous mozos que ían a bordo dun kaiak.
O achado produciuse o pasado martes, pero ata o momento non se puido determinar se pertencen a unha persoa humana.
Mergulladores do Grupo Especial de Actividades Subacuáticas ( GEAS) desprazáronse este xoves ata Porto do Son para rastrexar a zona onde se atopou o óso e comprobar se había máis restos. A procura concluíu con resultado negativo.
Tal como recollimos en “obarbanza.gal” a desaparición dos dous mozos remóntase ao 6 de xullo do 2020. O accidente tivo lugar na praia de Coira, na localidade de Portosín, onde tres amigos –dous mozos e unha moza– facían uso dun kaiak.
