Dende este 14 de decembro, a nova Comisaría a Policía Nacional de Ribeira, situada na contorna de Fontán (avenida das Airós), xa está plenamente operativa para emprestar servizo á cidadanía do concello e do Barbanza.
Segundo salienta a Xefatura de Galicia e da dirección da propia Comisaría, trátase “dunhas novas dependencias modernas e acordes aos tempos actuais para realizar os seus trámites documentais como a expedición do DNI, pasaportes ou a documentación de estranxeiros”. Tamén salientan que o inmóbel estará aberta ao público en horario ininterrompido como até agora as 24 horas todos os días do ano.
A nova Comisaría conta con oficinas máis espazosas e luminosas, o que “proporcionará un mellor espazo de traballo para os axentes e o resto de funcionarios da Administración adscritos ao persoal de Ribeira, os cales afrontan o cambio de sede con ilusión e forzas renovadas a fin de dar un mellor servizo ao cidadán”, destacan.
