A Charanga Os Santiaguiños de Padrón animará durante dúas xornadas o Nadal sonense

O Concello de Porto do Son organizou este ano unha axenda de actividades de decembro e xaneiro cun compoñente marcadamente cultural e festivo. Nesta liña sitúase a actuación da Charanga Os Santiaguiños de Padrón, que visitarán a localidade facer unha ruada musical, os días 24 e 26 de decembro a partir das 18.00 horas e até as 21.00 horas.

A Charanga Os Santiaguiños de Padrón é un clásico de todo tipo de acontecementos festivos nas nosas vilas e cidades e os seus integrantes son expertos en dar unha viraxe divertida, explosiva e charangueira aos éxitos musicais máis destacados do momento. Ás súas costas teñen xa preto de tres lustros como referentes da música galega de rúa en todo o sentido da expresión.