2.200 bonos descargados nas primeiras 24 horas da Campaña AmaRibeira

Fulgurante arranque da campaña AMARIBEIRA con 2.200 bonos descargados nas primeiras 24 horas: practicamente un tercio dos 6.666 bonos de desconto de 30 euros que o Concello pon a disposición da veciñanza en apoio ao comercio e a hostalería local.
Ademais, seguen elevándose o número de comercios adheridos que se pouco antes de que principie a campaña na medianoite do 1 de decembro rondaban os 80, nestes momentos ascenden a 112.
Cómpre lembrar que para facer uso dos bonos de desconto e mercar no comercio e a hostalería local (por cada de 30 euros de compra se ten dereito a un desconto de 10 ata un máximo de 3 operacións) cómpre activalos na páxina web www.amaribeira.gal premendo en obter bono e seguindo todos os pasos. Como requisito hai que estar empadroado no Concello de Ribeira e ser maior de idade.
Os bonos poderán ser canxeados ata o 31 de xaneiro de 2022.