Xosé Antonio Neira Cruz, gañador da cuarta edición do Premio de Literatura Infantil Carlos Mosteiro na Pobra

30 Novembro 2021

O xurado do IV Premio de Literatura Infantil Carlos Mosteiro acaba de dar a coñece-la obra gañadora. Así, Francisco Castro, director xeral da Editorial Galaxia; Marta Neira Rodríguez, filóloga e ensaísta; e Loretta Birott Bermejo, escritora,
decidiron que a distinción vaia parar á obra Por mor de cinco pizzas ós catro queixos, de Xosé Antonio Neira Cruz, quen repite galardón ó gaña-la segunda edición con O enigma do baúl pechado. Na primeira convocatoria recaera en Os Fantom, de Patricia Mallo, e a terceira quedara sen adxudicar por estimaren que ningún dos orixinais presentados acadaba a suficiente calidade literaria. Nesta ocasión, segundo explicaron, produciuse a situación contraria. Na compaña da concelleira da Cultura, Patricia Lojo (PSdeG-PSOE), e de Lourdes Briones, viúva do escritor que dá nome a este certame literario, os membros do xurado presentes no acto destacaron o “altísimo nivel” dos textos presentados, un total de 29, e, polo tanto, manifestaron que a decisión foi complexa, pero que se tomou por unanimidade, se ben algúns deles poderían ser publicados por unha editorial, tal e como apuntou Francisco Castro.
Convocado polo Concello da Pobra do Caramiñal, a Editorial Galaxia e a A. C. Barbantia, o dito certame é concibido como un medio para promove-los autores e autoras en lingua galega de literatura infantil, así como para homenaxea-lo escritor Carlos Mosteiro.
A edil Patricia Lojo sinalou que o premio supón unha dotación económica de 3 000 euros, duplicando o Concello a contía respecto a edicións anteriores, ademais de se publica-la obra gañadora na colección Árbore da Editorial Galaxia e de se repartiren exemplares entre a rapazada do municipio. A concelleira tamén fixo fincapé na necesidade de apostar por este tipo de iniciativas, contribuíndo a incentiva-la lectura e trasladar valores ás xeracións máis novas. Adiantou, ademais, que este certame literario terá unha quinta edición.
A entrega do premio está prevista para o mes de decembro.

Outros artigos

Publicidade

Revista en papel

Opinión

“El fútbol es algo más” – José Antonio Constenla

“El fútbol es algo más” – José Antonio Constenla

¡Gooool! Ese es el cántico que se ha escuchado prácticamente en todas las calles de España. El “¡Yo soy español, español, español...!” ha retumbado en todos los rincones del país cuando el árbitro señaló el final del partido que nos ha convertido en reyes de Europa. 4...

“España”. Alberto Barciela

“España”. Alberto Barciela

España se hace grande con lo aparentemente sencillo. Entonces deja de ser una Europa periférica que arrambla con esa idea de que el continente termina en los Pirineos, para reivindicarse como la tierra conquistadora, que acobijó a todas lAs culturas, que se embebión...