“Poñer a venda antes de que se produza a ferida”. Antón Luaces

23 Novembro 2021

En Bruxelas, España -máis concretamente o seu ministro de Agricultura, Pesca e Alimentación, Luis Planas- ven de facer patente a súa convición de que, antes de que se confirme a existencia dunha ferida, é convinte poñer a venda ou apósitos que eviten que esa ferida aínda non rexistrada poida supurar ou escretar as materias purulentas que a cotío producen.
É o caso das prioridades establecidas recentemente polo ministro Planas no Consello de Ministros de Agricultura e Pesca no que sinalou as prioridades españolas nas negociaciòns da Unión Europea co Reino Unido en materia de cotas de pesca para 2022. Para o ministro español a redución do Total Admisible de Capturas (TAC) de pescada norte non debe ser superior ao 20%. Días antes, Luis Planas refimara no Congreso dos Deputados o seu rexeitamento á proposta da Comisión Europea de reducir un 18% a cota de pescada no Cantábrico.

Ou arre ou xó, señor ministro. Saberá xa o señor Planas que a Comisión Europea reducirá a cota de pescada norte arredor do 20%?. De ser así, é seguro que na referencias que se facilite dos acordos adoptados no Consello de Ministros de Agricultura e Pesca a celebrar a mediados de decembro próximo se nos diga que España fixo firme a súa defensa de admitir un máximo regulatorio do 20%. Apuntarémonos, daquela, unha vitoria a domicilio e escoitaremos as campás tocando a rebato. Somos así neste país que, aló polos anos 50 e con Franco residindo no palacio do Pardo, se gababa da súa europeidade publicando  nos xornais a imaxe do ministro López Rodó circulando polas rúas da capital belga a lombos dunha bicicleta e ao máis fiel estilo dos cidadáns de Bruxelas. Queríase dicir ou dar a entender que a España franquista abría camiños en Europa pedaleando unha bicicleta que abría ss portas da CEE cando a realidade ben coñecida é que a UE admitiu no seu seo a España trinta anos máis tarde, con  Franco  soterrado na ermida do Val dos Caídos (por Deus e por España, evidentemente).

Pois iso: salvando as distancias de todo tipo, a España democrática anuncia con bombas de palenque a súa oposición a calquera redución nas cotas de pescada norte que supere o 20%. E dou por seguro que haberá redución, pero que esta non superará a porcentaxe citada polo ministro Planas, a quen lle vai tocar a boneca “chuchona”.Que gañas de xogar ao tute cabrón, tentando enganar aos propios e alleos. Fai coma o polbo, cando este se adapta ás cores dpos elementos que o rodean, nun simulacro ou adaptación ao medio digno do maior encomio.

Ai, sí: para outras especies de interese para a frota (peixe sapo e rapante, nomeadamente) o ministro acepta subas de TAC que xa figuran nas recoimendacións científicas. O dito: ou xoga con barallas marcadas ou vai de farol. Cousas da política de altos voos que xa practicaba o don Francisco de Ferrol (que foi do Caudillo).

Outros artigos

“Cordura y centralidad”. Alberto Barciela

Los anhelos, las ambiciones desmedidas, pero también las más o menos comprensibles, se confunden entre tantos escombros, entre los cascotes de lo que fueron los valores consensuados por la sociedad, la política, la Justicia, la economía. Incluso las referencias...

+

“Homenaxe ao doutor Sixto Seco” – Xosé González Martínez

Cando o correlixionario e amigo Luís Soto Fernández, fundador da UPG, puido volver do exilio mexicano, facíao todos os anos pola primavera. Acudía sempre a recollelo ao aeroporto. Camiño da súa natal Vilanova dos Infantes, faciamos unha parada na igrexa conventual de...

+

“Solidariedade e humanidade” – José Manuel Pena

Algunha xente continúa cunhas mentalidades moi pechadas e pouco empáticas cos problemas e as vivencias doutras persoas que padecen situacións difíciles ou complicadas. Algo similar sucede cos menores migrantes, non acompañados que chegaron ao noso país, en busca de...

+

Publicidade

Revista en papel

Opinión

“Cuando el payaso llora” – Manuel Domínguez

“Cuando el payaso llora” – Manuel Domínguez

Cuando el Payaso llora. A punto de salir a pista, tras las cortinas, los últimos minutos, la tele habla de los niños asesinados en Gaza, el bombardeo cruento del Hospital en Ucrania, tanta muerte inocente. Al payaso le cae una lagrima, recorre su mejilla dejando...

“Igualdade e dignidade”. Luís Celeiro

“Igualdade e dignidade”. Luís Celeiro

A moitos dos que andan polas alturas da función ou da acción política gústalles falar dorespecto á vontade popular, á que a mesma Constitución de 1978 alude no seu Preámbulo,cando fala de “consolidar un Estado de Dereito que asegure o imperio da lei como expresiónda...