O PSOE reclama o apoio do PP para impulsar a construción dunha residencia de maiores en Boiro

25 Novembro 2021

A deputada socialista Noa Díaz pediu aos representantes populares no Parlamento de Galicia que apoien a proposta socialista para reclamar á Xunta a construción dunha residencia pública para maiores no concello de Boiro. Díaz dixo que co seu voto a favor, o PP atendería “unha demanda histórica da veciñanza” e unha “necesidade prioritaria para o municipio”.

A parlamentaria socialista lembrou que Boiro é o segundo concello máis poboado da comarca do Barbanza, con preto de 19.000 habitantes, dos cales un 22% é maior de 64 anos. Con todo, dixo, “este municipio carece de servizos públicos de atención integral e continuada para as persoas maiores”. Seguindo este fío, Díaz lanzou aos populares a seguinte pregunta: “Pensa o Grupo Popular que nun concello como o de Boiro -con máis de 4.000 persoas maiores- son suficientes 40 prazas no centro de día, 6 bonos para residencias e o Servizo de Axuda no Fogar?”

A parlamentaria tamén recordou que “para paliar esta eiva”, o propio Concello de Boiro decidiu poñer a disposición da Xunta os terreos necesarios e mesmo o proxecto. Porén, Noa Díaz dixo que “dende que se suscitou este ofrecemento, a Consellería de Política Social non deu ningunha resposta, malia os reiterados convites do Goberno local para coñecer in situ eses terreos”. Na súa opinión, esta “falta de vontade” non foi aplicábel ao caso de Ribeira, onde lembrou que “o Goberno galego vén de asinar un acordo para investir 10 millóns de euros para a construción dunha residencia pública”. Noa Díaz recoñeceu ter dúbidas acerca de se “será oportuno, prudente ou pertinente que se invista esa cantidade nunha única infraestrutura no canto de aproveitalos tamén para a demandada de Boiro”.

A deputada socialista lembrou, ademais, que esas demandas se amparan nas máis de tres mil sinaturas recollidas por unha plataforma local e que “claman por recursos públicos porque saben mellor que ninguén que coas súas cativas pensións non son nin serán quen de acadar unha praza nunha residencia privada”.

Outros artigos

Este sábado 12 comezan as Festas do Carme de Cabo de Cruz

Esta fin de semana e boa parte da semana que vén celébranse en Cabo de Cruz (Boiro) as Festas do Carme edición 2025, unhas celebracións na honra da patroa da xente do mar, a Virxe do Carme, que xunta actividades relixiosas, culturais e festeiras e que este ano vén cun...

+

Este sábado celébrase o XXXV Festival Folclórico de Escarabote

Este sábado 12 de xullo vaise celebrar a XXXV edición do Festival Folclórico de Escarabote, a partir das 21.00 horas, no porto da dita vila mariñeira. A cita, unha reivindicación da música, o baile e a cultura tradicionais da nosa terra, será organizada pola AC Pedra...

+

Publicidade

Castiñeiras

Revista en papel

Opinión

“Virginio Fuentes Martínez” – Xosé González Martínez

“Virginio Fuentes Martínez” – Xosé González Martínez

En certa ocasión alguén con boas intencións presentoulle o Gobernador Civil de Lugo, un personaxe de ortodoxo perfil franquista, ao escritor Ánxel Fole. O noso gran escritor, tendeulle a man como se adoita facer cando non temos simpatía pola persoa presentada, ao...

“Cuando hacer el bien, genera tragedia” – Manuel Domínguez

“Cuando hacer el bien, genera tragedia” – Manuel Domínguez

Muchas veces el silencio mata. Han sido muchos los que en la II guerra, salvaron del holocausto a muchas vidas judías, Schindler, el español conocido como ángel de Budapest, Wallenberg, o el portugués Sousa Méndes. Todos ellos hacían el bien, por el bien, por...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.