O Goberno de Ribeira reúnese coa veciñanza das parroquias para atender as súas suxestións

08 Novembro 2021

O Concello de Ribeira puxo en marcha na mañá deste 8 de novembro o novo calendario de reunións de coordinación. Fíxoo cun planning de encontros cidadáns en Palmeira no segundo e cuarto luns de mes e en Aguiño o primeiro e terceiro. O obxectivo é facer posíbel que o rexedor e os concelleiros poidan atender de xeito máis próximo e directo á veciñanza, evitando o desprazamento até o Consistorio.

A deste luns 8 de novembro foi a primeira destas experiencias. Segundo informaron os participantes na mesma, resultou “moi proveitosa”, con varios veciños que se achegaron ata a Casa do Mar de Palmeira para formular as súas consultas, realizar suxestións e mesmo louvar esta iniciativa, ao tempo que foron informados de proxectos que están en trámite como a futura remodelación do paseo marítimo por parte da Xunta.

A próxima reunión do equipo de Goberno local celebrarase o vindeiro día 15 de novembro no edificio da Aula de Música de Aguiño, estando previsto que entre as 10 da mañá e as 12 do mediodía atendan neste mesmo local a aqueles veciños e veciñas que queiran acudir.

Atención en Carreira

Ao fío deste tema, o Concello engadiu que todos os mércores a partir de pasadomañá, na Casa da Cultura de Carreira e de 10 a 12.00 horas, o concelleiro Victor Reiriz estará alí para atender de xeito presencial á veciñanza da parroquia.

Outros artigos

Publicidade

Revista en papel

Opinión

“El fútbol es algo más” – José Antonio Constenla

“El fútbol es algo más” – José Antonio Constenla

¡Gooool! Ese es el cántico que se ha escuchado prácticamente en todas las calles de España. El “¡Yo soy español, español, español...!” ha retumbado en todos los rincones del país cuando el árbitro señaló el final del partido que nos ha convertido en reyes de Europa. 4...

“España”. Alberto Barciela

“España”. Alberto Barciela

España se hace grande con lo aparentemente sencillo. Entonces deja de ser una Europa periférica que arrambla con esa idea de que el continente termina en los Pirineos, para reivindicarse como la tierra conquistadora, que acobijó a todas lAs culturas, que se embebión...