Esta semana o Concello de Noia e a Asociación de Empresarios Noia Histórica mantiveron unha xuntanza de traballo para estudar novas vías de colaboracións (colaboracións principalmente tecnolóxico-dixitais e reforzar as xa existentes. Na xuntanza participaron o alcalde de Noia, Santi Freire, a concelleira de Comercio, Laura Salgado, e o presidente da patronal noiesa, José Manuel Martínez Godoy. Unha das cuestións clave que se trataron foi a posta en funcionamento do servizo local de comercio electrónico, comunicación e promoción comercial a disposición dos establecementos de Noia: o marketplace #vadetiendas.
Na reunión tamén se trataron temas relacionados coa campaña de Nadal, que presentarán nas vindeiras semanas. Haberá, segundo adiantaron, decoración nas rúas, animación, sorteos, música, tren infantil, Belén animado, escaparates engalanados, etc. Será, en palabras de Martínez Godoy, “unha gran campaña de Nadal para Noia”.
