O Club Baloncesto Noia perdeu fronte ao Porriño (55-62)

Merecida derrota do Berberecho Noia que en ningún intre foi capaz de impoñer seu xogo diante do conxunto de Porriño, que se mantivo por diante no electrónico durante todo o encontro con pequenas vantaxes.

Nos primeiros minutos o acerto no tiro exterior de ambos conxuntos mantería a igualdade chegando co resultado de 13 a 16.

No segundo parcial os visitantes foron quen de ter máis paciencia e encontrar os mellores lanzamentos e chegar o descanso 26 a 31.

Tralo paso polos vestiarios os locais reaccionaban e axustaban o marcador para situarse catro puntos por debaixo. Pero nos últimos dez minutos o rebote foi de dominio visitante impedindo la remontada dos noieses e chegar ao definitivo 55-62.

Polos locais o máis destacado foi Manu con 12 puntos. Con esta derrota os noieses descólganse dos postos altos da táboa.

Foto de arquivo dun encontro do Club Baloncesto Noia