O Centro Cultural Lustres Rivas exhibe as fotografías gañadoras da 15 edición Premio Luis Ksado2

20 Novembro 2021

Dende hoxe ata o 17 de decembro xa se pode contemplar no Centro Cultural Lustres Rivas a nova exposición coas obras gañadoras e finalistas da décimo quinta edición do Premio de Creación Fotográfica Luis Ksado que promove a Deputación da Coruña.
A primeira tenente de alcalde e concelleira de Cultura, María Sampedro, foi a encargada de proceder ao acto inaugural desta mostra, que “é xa unha referencia no eido da fotografía dende a súa creación en 1992”.
Salientou que nesta edición presentáronse 65 coleccións dun alto nivel, das que resultaron finalistas sete e na que se alzou co premio o fotoxornalista José Manuel López Perez coa obra “Atrapados ás portas de Europa” que busca visibilizar o drama das persoas refuxiadas.
Tamén se exhiben as instantáneas de seis propostas finalistas, captadas por Javier Atienza, Clemente Bernad, Jesús Caballero, Miguel Gómez, Brais Lorenzo e Jesús Madriñan, estes últimos dúas xoves promesas galegas nados nos anos 80 e que están despuntando no fotoxornalismo realizando traballos para recoñecidas axencias e medios de comunicación como El País, The Guardian, La Vanguardia ou El Mundo.
“Estamos sen dúbida ante unha exposición que pon en valor a fotografía e que demostra a gran calidade artística dos profesionais do sector”, manifestou a edil.
A mostra poderá verse ata o 17 de decembro de luns a venres de 10 a 13 e de 19 a 21 horas e os sábados de 11 a 14 horas.

Outros artigos

Publicidade

Revista en papel

Opinión

“Vergüenza o sinvergüenza”. José Antonio Constenla

“Vergüenza o sinvergüenza”. José Antonio Constenla

Desvergonzado es aquel “que habla u obra con desvergüenza”, y también elque “no muestra vergüenza por cometer acciones que se reputan inmorales”. Yvergüenza es la “turbación del ánimo ocasionada por la conciencia de algunafalta cometida, o por alguna acción deshonrosa...

“Para desfrutar dela”. Luís Celeiro

“Para desfrutar dela”. Luís Celeiro

As festas de verán en Galicia son ledicia, festa, música e baile, verbena e fartura. Pola mañáé outra cousa, os traballadores teñen que respectar o horario e andar dereitiños cara aolugar do traballo. Ou cara ao ordenador que espera coa lámpada acendida e co disco...