O BNG pide que os orzamentos do Estado inclúan partidas para a posta en valor das Brañas de Laíño, en Dodro


O parlamentario nacionalista, xunto ao portavoz do BNG en Dodro, Xoán Bautista Mariño, reclamou unha rehabilitación do firme e os accesos, así como da sinalización para esta contorna protexida baixa a Rede Natura 2000.

Acompañados por representantes da asemblea local do BNG nesta localidade, Rego e Mariño visitaron as Brañas de Laíño, unha paraxe de máis de 80 hectáreas que actualmente, segundo sinalou o Bloque nun comunicado, atópase en situación de “abandono”.

Néstor Rego sinalou que o aproveitamento destas brañas é “totalmente compatible co espazo natural” para “xerar riqueza preservando a rica biodiversidade da zona”.

Deste xeito, a formación nacionalista inclúe unha emenda aos PGE para que o Executivo estatal poña en valor as Brañas de Laíño. Esta inclúe unha primeira fase, cun valor aproximado de 500.000 euros, que afectaría principalmente o municipio de Dodro pero que se estendería aos municipios de Padrón e Rianxo, na Coruña; e de Catoira, Valga e Pontecesures, en Pontevedra.

Entre as diferentes actuacións atópase a mellora dos accesos, colocar un firme adecuado a esta zona protexida e a instalación de novas sinalas e novo mobiliario acorde á contorna.

BNG