O alumnado do Obradoiro de Emprego Torre Goiáns fórmase en dendrocronoloxía

09 Novembro 2021

O alumnado que participa no Obradoiro de Emprego Torre Goiáns, impulsado polo Concello de Boiro e centrado no ámbito da xestión forestal, participou nun seminario formativo en liña sobre dendrocronoloxía, ou sexa, a ciencia que se ocupa da datación dos aneis de crecemento das plantas arbóreas e leñosas. A actividade, organizada polo Centro de Formación e Experimentación Agroforestal de Guísamo, foi impartida por Manuel Souto Herrero, doutor enxeñeiro de Montes pola Universidade de Santiago, especialista nesta materia. Segundo informou o Concello, “coas directrices dadas na charla, o alumnado puido comprender mellor a análise de patróns especiais e temporais de procesos biolóxicos, físicos ou culturais”.

Unha vintena de participantes

O Obradoiro de Emprego en xestión forestal Torre Goiáns – Boiro que desenvolve o Concello de Boiro conta co financiamento da Consellería de Emprego e Igualdade da Xunta de Galicia, ao abeiro das axudas e subvencións para os obradoiros duais de emprego da Comunidade Autónoma de Galicia. Nel participan un total de 20 alumnos/as, divididos nas modalidades de Actividades Auxiliares en Conservación e en Mellora de Montes e Repoboacións Forestais e Tratamentos Silvícolas.

O alumnado recibe formación teórica e práctica específica en xestión forestal e capacitación para a mellora das súas capacidades e aptitudes á hora da busca de emprego ou desenvolvemento do traballo. Esta semana comezaron as clases para preparar as probas libres de educación secundaria de adultos/as; van asistir a un curso de prevención de riscos laborais específico do posto de traballo; e visitarán tamén os Castros de Neixón para coñecer o lugar o no se vai traballar.

Outros artigos

Publicidade

Revista en papel

Opinión

“El fútbol es algo más” – José Antonio Constenla

“El fútbol es algo más” – José Antonio Constenla

¡Gooool! Ese es el cántico que se ha escuchado prácticamente en todas las calles de España. El “¡Yo soy español, español, español...!” ha retumbado en todos los rincones del país cuando el árbitro señaló el final del partido que nos ha convertido en reyes de Europa. 4...

“España”. Alberto Barciela

“España”. Alberto Barciela

España se hace grande con lo aparentemente sencillo. Entonces deja de ser una Europa periférica que arrambla con esa idea de que el continente termina en los Pirineos, para reivindicarse como la tierra conquistadora, que acobijó a todas lAs culturas, que se embebión...