Na Pobra a función teatral Top Manta representarase no Elma

22 Novembro 2021


Rematando o mes de novembro, no domingo 28, ás 19.00 horas, chega unha nova cita teatral ao Elma da man de Fulano, Mengano e Citano con Top Manta, que lle trasladará ao público asistente unha serie de historias -actuais, próximas e sorprendentes- nas cales o humor se funde co teatro para crear un espectáculo co cal rir. Divertidas imaxes de transición, intercaladas ao longo de toda a peza, van complementando as escenas ao tempo que se potencia o ritmo narrativo.
O elenco está composto por Suso Pando, Marcos Alonso e Manuel Pombal.
A entrada é de balde e as inscricións débense realizar na casa da cultura e xuventude Raquel Fernández Soler ou a través do teléfono de contacto 981831545.
Trátase dunha das sete sesións teatrais programadas para o municipio no último trimestre do ano e dirixidas a maiores de 16 anos. Organiza a Concellaría da Cultura da Pobra do Caramiñal, da cal é titular a edil Patricia Lojo (PSdeG-PSOE), en colaboración coa Rede Cultural da Deputación da Coruña.

Outros artigos

Publicidade

Revista en papel

Opinión

“O mar de Foz”. Xulio Xiz

“O mar de Foz”. Xulio Xiz

Para os de terra adentro, a Mariña é territorio especial, de ostensible fervenza industrial e comercial e unha ledicia festeira na que ata as voces dos coros teñen harmónicos de mar. Fun o sábado a Foz, presentar dous libros de historia que honran a súa rica...