Mans Unidas agradece ao Concello de Noia a súa implicación social e humanitaria

Este martes 16 de novembro a organización Mans Unidas agradeceu publicamente o seu agradecemento ao Concello de Noia pola súa colaboración no desenvolvemento da súa actividade humanitaria. Foi nun acto celebrado no Coliseo Noela.


O alcalde, Santiago Freire, recolleu unha placa na cal a ONG recoñece a axuda de todas as corporacións municipais nestes 18 anos. No acto estiveron presentes os concelleiros Martín Fernández, Marisol Villar, Laura Salgado e Ana García, así como o presidente de Cáritas, Juan Carlos Pérez, o párroco José Ortoño, e o tenente da Garda Civil.
Dende o Concello de Noia fixeron un chamamento á veciñanza para, nestes tempos complexos que se aveciñan, “seguir colaborando con esta organización”.