Este venres Ribeira acende as súas luces de Nadal

O Concello de Ribeira vén de informar de que “un ano máis e cadrando co Black Friday”, buscando deste xeito estimular as ventas do comercio local”, este venres 26 pola tarde celebrarase o acendido oficial da iluminación de Nadal no centro urbano da cidade.

Os actos principiarán ás 18.30 horas coa inauguración do belén situado no paseo do porto para dar paso a continuación ao acendido na praza do Concello.

Ao remate haberá de balde chocolate con churros para os asistentes.