Este mes chegan a Porto do Son a obra teatral Invisibles e a súa firme proclama contra o maltrato

04 Novembro 2021

O teatro máis reivindicativo e comprometido contra a violencia de xénero chega este mes de novembro a Porto do Son. Farao da man de Redrum Teatro Compañía, que representa o día 20 deste mes, na Casa da Cultura de Porto do Son a partir das 19.30 horas, a obra Invisibles, unha cita para recordarnos e reivindicar “o millón de razóns que existen para falar do maltrato”. A función, cuxas entradas poden mercarse na Casa da Cultura, está baseada no libro do mesmo nome de Montse Fajardo, e presenta sete testemuños reais de maltrato a través de tres voces femininas.

Tres xeracións de mulleres que amosan que non hai un perfil concreto de vítima de violencia machista. Así, o obxectivo deste espectáculo é concienciar e sensibilizar aos espectadores sobre unha lacra que afecta a toda a sociedade, facéndoa “ben visíbel para poder eliminala”.

O elenco está composto polas actrices Sheyla Fariña, Mela Casal e Nieves Rodríguez, baixo a dirección de Marián Bañobre.

Esta peza teatral trátase dunha coprodución entre Redrum Teatro, a Concellería de Igualdade do Concello de Pontevedra, o Centro Dramático Galego e a Deputación da Coruña.

Ademais, conta con varias distincións coma os galardóns a Mellor Adaptación, Mellor Dirección e Mellor Iluminación dos Premios de Teatro María Casares; así como o Premio Luísa Villalta a Proxectos de Igualdade concedido pola Deputación da Coruña.

Outros artigos

Proseguen este luns e este martes as Festas do Carme de Baroña

Baroña celebra estes días os populares e tradicionais festexos da Festa do Carme. Comezaron este domingo 14 de xullo (o día adicado a San Antón, cunha misa solemne amenizada con coro e gaiteiros e, posteriormente, unha gran sardiñada da marca Azul de Portosín) e...

+

Publicidade

Revista en papel

Opinión

“O mar de Foz”. Xulio Xiz

“O mar de Foz”. Xulio Xiz

Para os de terra adentro, a Mariña é territorio especial, de ostensible fervenza industrial e comercial e unha ledicia festeira na que ata as voces dos coros teñen harmónicos de mar. Fun o sábado a Foz, presentar dous libros de historia que honran a súa rica...