España debe facer fronte -ao igual que calquera dos anos transcorridos desde a súa integración no ano 1986 na Unión Europea (daquela Coimisión Económica Europea, CEE”- a un novo reparto de TAC e cotas que, polo de agora, non se presenta favorable -nada novo- para os intereses pesqueiros españois.
Por este motivo, o Goberno de España, conxuntamente con outros estados membros como Francia e Portugal, traballa para acadar unha posición común a presentar diante da Comisión Europea os seus argumentos científicos e socioeconómicos que avalen as súas peticións a respecto dos TAC e cotas de pesca para o ano 2022. Neste senso, o ministro de Agricultura, Pesca e Alimentación, Luis Planas, anunciou este mércores no Congreso dos Deputados que o Executivo español está en contra da redución do 18% da pescada do Cantábrico en relación aos Totais Admisibles de Capturas (TAC) e cotas de pesca para o vindeiro ano, anunciada pola Comisión Europea.
Luis Planas comprometeuse a traballar intensamente para conseguir que nas próximas semanas poida mellorarse a proposta comunitaria, proposta que aínda está nunha fase inicial e que debe sobmeterse a diversos debates técnicos no Consello da UE ata que se adopte unha decisión final, prevista para mediados do mes de decembro.
Segundo o ministro español de Pesca existe unha serie histórica de 30 anos con datos dabondo sobre a evolución das poboacións de pescada do Cantábrico. Amáis, os institutos científicos españois presentaron moi bos informes que demostran que o stock biolóxico está en millores condicións das que sinala a Comisión.Este é o motivo esencial polo que non da a cuestión por pechada, e asegurou que “o Goberno de España vai defender con firmeza os intereses da frota pesqueira españaola” no Consello do mes de decemebro que, com,o xa é coñecido, asigna os TAC e cotas de pesca para o vindeiro ano.
O ministro dixo tamén que “para o Goberno constitúe unha prioridade a sustentabilidade biolóxica das especies, pero tamén a sustentabilidade dos nosos pescadores e armadores”.
