Dúas persoas resultaron feridas nunha saída de vía rexistrada ás 14.50 horas deste domingo na avenida das Carolinas de Ribeira. No coche viaxaban dúas persoas e, ao parecer, unha indisposición do condutor puido ser a causante do accidente. Os dous foron trasladados ao hospital de Barbanza polo 061.
O sinistro produciuse nas inmediacións da rotonda das Carolinas onde o turismo saíuse da vía e atravesou o carril contrario para acabar impactando contra un muro. A persoa que viaxaba de acompañante sufriu lesións nun pé, mentres que o condutor foi atendido por un posible ataque de epilepsia. No operativo de emerxencias participou a Policía Local, GAEM e os bombeiros de Ribeira.
