En Ribeira clausurado o Obradoiro de Cociña O Pote II

Logo de doce meses de duración —tres máis dos inicialmente previstos por mor da pandemia— quince mozos e mozos concluíron hoxe a súa formación no obradoiro de emprego de cociña O Pote II, que tivo na escola de
hostalería do mercado o seu centro de operacións.
O alcalde Manuel Ruiz, o concelleiro de Promoción Económica de Ribeira, Ramón Doval; a directora da Fundación Pública Galega da Formación para o Traballo, Rosanna López; e a xefa territorial da Consellería de Emprego e Igualdade, Judit Fontenla, compareceron no Centro Cultural Lustres Rivas para proceder á entrega de diplomas, felicitalos pola súa implicación e animalos a mergullarse nun sector que demanda un perfil cada vez máis profesionalizado.
Alumnado, persoal docente e autoridades concluíron o acto cunha foto de familia.