En Ribeira acendido da iluminación de Nadal e apertura do Belén Municipal

Coincindo coa celebración do Black Friday no casco urbano da cidade se acaba de proceder ao acendido de Nadal no casco urbano de Ribeira e ao descubrimento do Belén Municipal no Malecón, que este ano posúe como novidade diversos elementos móbiles ademais dun volcán como homenaxe de Ribeira á illa da Palma.

Entre os elementos da iluminación navideña, destaca a colocación dunha bola xigante de máis de 9 metros de altura situada na Praza do Concello e transitable polo seu interior onde tamén se colocou unha escena luminosa da Sagrada Familia cun percorrido con fío luminoso.

Tamén cabe destacar que todo o perímetro do Concello está decorado cunha cortina de microbombilla, así como a instalación de catro pórticos luminosos nas entradas da rúa de Galicia e Rosalía de Castro, que miden 12 metros de alto e que contan con 60.000 puntos led en tonos vermellos.

Na fachada da igrexa de Ribeira, ademais da decoración da fachada cun rosetón de micrombilla colocáronse tamén 2 anxos xigantes no adro e fío de luz nas árbores do entorno ademais de 4 conos de 2,5 metros cada un en tonos brancos.

Complétase a iluminación co teito de microbombilla branca instalado na zona  peonil da rúa Rosalía de Castro, a colocación de case 200 arcos navideños distribuídos polas principais rúas e prazas de Ribeira e das súas parroquias,  a decoración de 147 árbores e palmeiras, medio cento de adornos de farolas, a iluminación con motivos de Nadal das Igrexas, así como a instalación de árbores de Nadal cónicos de 5 metros en cada unha das parroquias,  unha árbore transitable de 12,5 metros na praza de España, unha árbore de 7 metros na praza Heroínas de Sálvora, a fonte luminosa na rotonda da Concordia, a rotonda de Xarás e a entrada do edifico do Mercado Municipal e unha árbore de 20 metros con luz e movemento no Paseo do Malecón.

Ademais da iluminación, a decoración navideña completarase nas vindeiras semanas coa colocación dos puntos de recollida de soños nas distintas parroquias (bancos e buzóns de Nadal), un photocall navideño ou unha casiña de Nadal na Praza de Porta do Sol a onde acudirán os elfos do Pai Noel e os paxes reais e a decoración dos adros das igrexas por parte das florerías locais, entre outras cousas.

Está previsto que a iluminación no resto de parroquias entre en funcionamento o día 4 de decembro, se ben é posible que nalgúns puntos se adiante unha xornada.

O acendido da iluminación será ás 18:15 h e o apagado realizarase ás 2 da madrugada como norma xeral, excepto nas madrugadas do 24, 25, 26 e 31, de decembro e 1 e 2 de xaneiro que se realizará o apagado ás 7:00 horas.