Unha muller resultou ferida nun accidente de tráfico que tivo lugar a pasada madrugada na estrada comarcal C-550, á altura da localidade ribeirense de Oleiros.
O turismo saíuse da calzada por causas que se descoñecen e chocou contra un noiro, resultando gravemente danado. Ata o lugar do suceso, ocorrido pouco antes da medianoite desprazáronse axentes da Policía Local de Ribeira, Tráfico e bombeiros do parque local, que se encargaron da limpeza da vía. A muller foi trasladada a un centro sanitario.
