A confraría de Aguiño iniciou hoxe a campaña de extracción do percebe na zona de Sálvora. Cada tripulante poderá extraer cinco quilos de crustáceo, cun máximo de 15 por embarcación.
A xornada serviu para testar a cantidade de produto existente. Isto determinará, xunto co prezo que alcance na poxa, o número de xornadas de traballo semanais que se establecerán. O valor medio oscilará entre os 40 e os 50 euros.
