O grupo EM2 (Emoción&Arte) vai representar o espectáculo Semente. O home que plantaba árbores na Casa da Cultura de Boiro, este 19 de novembro a partir das 20.00 horas. Trátase dunha función cunha marcada vertente medioambiental especialmente indicada para inculcar valores de sustentabilidade e respecto pola natureza entre o público infantil e familiar. A peza está inspirada no libro do mesmo título de Jean Giono, que nos achega unha historia sobre o poder que o ser humano ten de influenciar o mundo ao seu redor.
Narra a vida dun home e o seu esforzo solitario, constante e paciente, para facer do lugar onde vive un lugar especial. “É unha historia admirábel”, sinalan dende a agrupación teatral, “que nos mostra como un home humilde e insignificante aos ollos da sociedade, vivindo lonxe do mundo e usando unicamente os sus propios medios, consegue reforestar el só unha das rexións máis inhóspitas e áridas de Francia”.
Compra de entradas no propio día da función a partir das 18.00 horas.
