Cultura de Rianxo retoma os seus obradoiros de escultura en cartón pedra

A Concellaría de Cultura de Rianxo retoma esta tempada os seus obradoiros de escultura en cartón pedra para persoas de todas as idades. O obxectivo é que as e os participantes poidan “aprender unha técnica artesán, sinxela, antiga e ecolóxica, ideal para pezas de gran formato, ao tempo que colaboran na creación de pezas que serán empregadas na cabalgata de Reis deste ano e outros eventos”.

As actividades programadas serán impartidos pola artesá local Electra Menéndez, de Pedras, Artesanía e Patrimonio.

-Obradoiro de escultura en cartón pedra. En novembro e decembro. Inicio o sábado 27 de novembro. 5 sesións (sábados e/ou domingos).

-Obradoiro para familias. Destinado a crianzas a partir de 6 anos acompañadas dunha persoa adulta. 5 sesións (sábados e/ou domingos) de 11.00 a 13.00 horas.

-Obradoiro para persoas adultas. Destinado a persoas maiores de 12 anos, 5 sesións (sábados e/ou domingos)​​​​​​​ de 17.00 a 20.30 horas.

Máis información e inscricións no Centro Sociocultural-Auditorio de Rianxo, presencialmente, a través do teléfono 981 100 688 ou por medio do correo electrónico cultura@concelloderianxo.gal.