No termo municipal coruñés de Noia produciuse un accidente no que se viron implicados un autobús e un turismo. Neste último vehículo viaxaban dúas mulleres que necesitaron asistencia polo choque e foron trasladadas ao Hospital A Rosaleda. No autobús ningunha persoa resultou ferida.
Os feitos ocorreron no punto quilométrico 69 da AC-550, uns minutos despois das tres e media da tarde do mércores.
Nada máis ter coñecemento do accidente, a través de Urxencias Sanitarias de Galicia-061, desde o CIAE 112 Galicia pasouse o aviso aos Bombeiros de Boiro, ao GES de Noia, á Garda Civil de Tráfico e á Policía Local.
