A concelleira de Servizos Sociais, Ana Barreiro Rego, mantivo unha reunión no centro de rehabilitación que a asociación A Creba ten no barrio ribeirense de Abesadas coa fin de escoitar e abordar as necesidades desta
entidade orientada a mellorar a calidade da vida das persoas afectadas con doenzas mentais, así como a dos seus familiares.
No transcurso da xuntanza que a edil mantivo con Montse Vila, repasaron diversos nexos de cooperación, tales como o convenio subscrito en virtude do cal o Convenio colabora na financiación do programa de transporte de usuarios da asociación cunha dotación de 3.000 euros.
A esta acción súmase unha recente demanda da asociación A Creba para que o Concello axude a sufragar os gastos derivados de persoas usuarias en circunstancias vulnerables que se atopan en lista de espera ou demandan algún servizo concreto e no poden afrontar o total do gasto. A tal efecto, o Concello contribuirá cunha nova achega de 2.000 euros.
A rolda de reunións que Ana Barreiro —quen, cómpre lembrar, asumiu a delegación de Servizos Sociais no verán pasado— está a manter coas distintas entidades sociais que operan no noso municipio proseguirá nos próximos días con xuntanzas xa axendadas con Cruz Vermella e Ambar.
