A rapazada do IES A Cachada e o Concello de Boiro participaron nunha recollida de lixo en Barraña

09 Novembro 2021

O Concello de Boiro, a través do departamento de Medio Ambiente, está a colaborar coas actividades de formación e sensibilización sobre o problema do lixo mariño que desenvolve a Asociación Chelonia. O concelleiro de Medio Ambiente, Raul Treus, participou este 9 de novembro nunha recollida de plásticos que se levou a cabo na praia de Barraña xunto co alumnado do IES A Cachada.

Esta actividade abéirase ao Proxecto Mares Circulares, impulsado por The Coca-Cola Fundation e que se desenvolve dende o ano 2018 en diversos concellos, entre os que se atopa o de Boiro. A actividade levada a cabo consistiu nunha charla-presentación para o alumnado do IES e unha recollida na praia como medio de sensibilización práctica sobre a problemática global da que se pretende formar.

Participaron un total de 40 rapaces e rapazas dos cursos de primeiro e segundo da ESO, que apañaron os residuos atopados na praia separándoos en dúas bolsas, unha negra e unha amarela, segundo fosen recollida selectiva ou envases. Unha vez rematada a recolección, nunha carpa instalada na praia, comentáronse os refugallos atopados e cal era a súa orixe.

Durante o traballo realizado detectouse que os residuos máis numerosos son os da familia dos plásticos, entre os que están os paus de batea, cordas ou biofiltros.

O Concello de Boiro, a través do departamento de Medio Ambiente, traballa e colabora con iniciativas que axuden a fomentar a sensibilización en materia medioambiental como é a problemática global do lixo mariño.

Outros artigos

Publicidade

Revista en papel

Opinión

“El fútbol es algo más” – José Antonio Constenla

“El fútbol es algo más” – José Antonio Constenla

¡Gooool! Ese es el cántico que se ha escuchado prácticamente en todas las calles de España. El “¡Yo soy español, español, español...!” ha retumbado en todos los rincones del país cuando el árbitro señaló el final del partido que nos ha convertido en reyes de Europa. 4...

“España”. Alberto Barciela

“España”. Alberto Barciela

España se hace grande con lo aparentemente sencillo. Entonces deja de ser una Europa periférica que arrambla con esa idea de que el continente termina en los Pirineos, para reivindicarse como la tierra conquistadora, que acobijó a todas lAs culturas, que se embebión...