A función Os nenos da varíola recala no Elma da Pobra este 21 de novembro

15 Novembro 2021

Proseguen este mes as actividades teatrais no Elma, referente comarcal e galego das artes escénicas. Este 21 de novembro, sen ir máis lonxe, cine-teatro da Pobra da Caramiñal acollerá a representación de Os nenos da varíola, peza baseada no libro de María Solar do mesmo titular. Será ás 19.00 horas, a cargo da compañía Pérez & Fernández.

O espectáculo relátanos a vida dos nenos da Casa de Expósitos da Coruña que participaron na Real Expedición Filantrópica da Vacina, expedición da cal era Isabel Zendal, a reitora da institución, un dos piares máis importantes.

As actrices Victoria Pérez e Isabel Risco e os actores Manu Fernández e Xose Leis interpretarán a ducia de personaxes que protagoniza esta historia: as monxas da Casa de Expósitos, os doutores Balmis e Posse Roybanes, os nenos protagonistas da ficción de María Solar e a muller que finalmente fixo posible que esta Real Expedición Filantrópica se fixese realidade, Isabel Zendal.

As entradas son de balde e as reservas débense efectuar na casa da cultura e xuventude Raquel Fernández Soler ou a través do teléfono de contacto 981 831 545.

Trátase dunha actividade enmarcada na programación cultural que transcorre no municipio durante o último trimestre do ano con sesións teatrais destinadas a maiores de 16 anos. Organiza a Concellaría da Cultura da Pobra do Caramiñal, da cal é titular a edil Patricia Lojo (PSdeG-PSOE), en colaboración coa Rede Cultural da Deputación da Coruña.

Outros artigos

A Pobra prepárase para pedalear no 14 de xullo coa Festa da Bici

A trixésimo segunda edición da Festa da Bici da Pobra do Caramiñal convida a pedalear con fin solidario no 14 de xullo. Esta cita que reúne deporte e solidariedade arrancará ás 11.00 horas na praza Alcalde Segundo Durán; espazo que tamén se establece como meta....

+

Publicidade

Revista en papel

Opinión

“Cordura y centralidad”. Alberto Barciela

“Cordura y centralidad”. Alberto Barciela

Los anhelos, las ambiciones desmedidas, pero también las más o menos comprensibles, se confunden entre tantos escombros, entre los cascotes de lo que fueron los valores consensuados por la sociedad, la política, la Justicia, la economía. Incluso las referencias...