A Casa da Cultura de Lousame acolle este xoves a inauguración da exposición Nós tamén fomos emigrantes

A Casa da Cultura de Lousame acollerá mañá xoves 11 de novembro, ás 12:00 horas, o acto de inauguración da exposición Nós tamén fomos emigrantes, promovida pola Axencia EFE, Afundación, Xacobeo 21-22 e o Concello de
Lousame. Unha mostra que será inaugurada por:
 Teresa Villaverde, alcaldesa de Lousame
 Paloma Vela, coordinadora adxunta da Área de Cultura de Afundación
 José M. Vilariño, coordinador institucional de Abanca na Coruña.
Nós tamén fomos emigrantes é unha exposición itinerante que inclúe unha selección de corenta fotografías sobre a emigración galega e española tiradas por fotoxornalistas da Axencia EFE. A exposición poderá visitarse de xeito gratuíto en Lousame ata o vindeiro 26 de decembro.