A Asociación Rianxeira de Empresarios informou de remate da promoción #atopaastazas, un xogo-concurso que se foi desenvolvendo ao longo destas semanas nas redes sociais da ARE e que consistiu nun convite para que a cidadanía soubese identificar a situación exacta das cuncas co logo de Mercarianxo.gal (a plataforma de comercio electrónico impulsada pola ARE e o Concello). Estas cuncas foran previamente situadas nos escaparates de diferentes establecementos do termo municipal, da vila rianxeira e tamén das parroquias, integrados todos eles na asociación. Foron amosadas en fotografías nas redes convidando á veciñanza a descubrir onde se atopan exactamente.
Segundo informou a ARE, entre todas as persoas que responderon correctamente polo menos 8 dos 10 escaparates coas cuncas, elixíronse mediante sorteo os gañadores, obtendo como tales a:
-Rebeca Suárez Martínez.
-Rubén Marín Campos.
-Irene Fachado Vicente.
Cada unha destas persoas gañou un premio que consiste en:
1. Un vale de 75 euros para gastar nos negocios asociados a ARE.
2. Un vale de 25 euros para gastar en Mercarianxo.gal nun só pedido.
3. Lote de produtos promocionais.
