Uns 350 combatentes loitarán no XX Torneo de Taekwondo “Cidade de Ribeira”

13 Outubro 2021

Uns 350 combatentes daranse cita esta fin de semana no pavillón de Palmeira ‘Alcalde Torres de Colomer” para loitar na vixésima edición do Torneo de Taekwondo Cidade de Ribeira: unha competición organizada polo club Natural Sport coa colaboración do Concello e da Federación Galega de Taekwondo que albergará as modalidades cadete, junior e
senior.
Pablo Carou no nome do club organizador e máis María Sampedro e Javier Sampedro como primeira tenente de alcalde e concelleiro de Deportes deron a coñecer as características deste certame, a primeira competición na especialidade a nivel autonómico na que será posible que accedan os espectadores dende a irrupción da pandemia.
Neste senso, Pablo Carou explicou que o aforo estará limitado a 250 persoas e os interesados poden apuntarse dirixindo un email a juanlunaturalsport@hotmail.com. Contémplase un donativo de 3 euros.
En canto ao torneo, tomarán parte un total de 50 clubs de toda España e a zona norte de Portugal. O sábado á mañá combatirán os deportistas pertencentes á categoría cadete; o sábado a tarde os senior; e o domingo á mañá os junior.
Pablo Carou agradeceu a colaboración de Concello e Federación e explicou que está en xestións coa Xunta de Galicia para ver a posibilidade de que os combatentes poidan loitar sen mascarilla.
Tanto María Sampedro como Javier Sampedro felicitaron ao Natural Sport por este vinte aniversario e animaron a que a veciñanza corresponda con este esforzo organizativo acudindo ao evento.

Outros artigos

Publicidade

Revista en papel

Opinión

“Unha de ameixa roubada”. Antón Luaces

“Unha de ameixa roubada”. Antón Luaces

Está visto: seis mil euros non é o valor real da cría de ameixa roubada aos mariscadores do pósito de San Antonio, en Cambados, porque a ameixa substraída da batea de preengorde podería multiplicarse por tres ou catro en base ao resultado dos plans de semente que...

“Los menores inmigrantes”. José Castro López

“Los menores inmigrantes”. José Castro López

La inmigración es responsabilidad del Gobierno, pero su única política conocida fue lasobreactuación que montó en Valencia en 2018 para recibir al Aquarius. Desde aquel“golpe de efecto” no se conocen medidas gubernamentales razonables para enfrentarse aeste...