A Fieiteira acolleu o primeiro partido oficial na historia do Cidade de Ribeira como local. E a afección respondeu presentando unha gran entrada, pero o visto sobre o verde non estivo á altura das circunstancas. Os de Manuel Ángel non conseguiron pasar do empate fronte ao Cordeiro. Un gol de Jonathan Vieites logo dun erro da defensa branquiazul adiantou aos de Valga. Anthony aproveitou un mal despexe do porteiro visitante para poñer o definitivo 1-1 nun partido no que o Cidade de Ribeira segue sen ilusionar.
Xa nos primeiros minutos se notou que non ía a ser o día dos de Santa Uxía. Continuas imprecisións e perdas de balón en zonas perigosa, sumadas a un ritmo apático e lento provocaron que os visitantes se adiantaran por mediación de Jonathan Vieites no 10’, rematando por debaixo das pernas de Lijó un rexeite dentro do área.
Lonxe de amilanarse, o Cordeiro seguiu presionando en zonas nas que podía facer dano. O Cidade de Ribeira non encontraba a forma de sortear a presión de formar limpa. Pero un centro de Xenxo ao segundo, no que o gardarredes visitante fallou, permitiu a Anthony anotar en boca de gol o que supoñía o 1-1. Aguado, intermitente durante todo o encontro polo bo planteamento táctico visitante, tivo nas súas botas o 2-1 antes do descanso, pero seu disparo
foi despexado por Busto.
Logo do paso polos vestiarios a tónica do encontro non cambiou. Os locais dominando o balón, pero sen crear ninguna ocasión de perigo, e o Cordeiro lanzando rápidos contraataques que quedaban en nada a través de Samuel Castro. Nin sequera a entrada do xuvenil Pepe, que entrou moi enchufado ao campo, permitiu ao Cidade de Ribeira conseguir os tres puntos.
Con este resultado os de Santa Uxía sitúanse na quinta posición con 4 puntos en dous partidos. O domingo visitan ao Praíña.
