Pasados uns minutos das doce deste mediodía, os Bombeiros de Boiro contactaban co 112 Galicia para informar dun coche accidentado na DP-1105, en Cures e cunha persoa no seu interior.
Tras recibir o aviso, os xestores do 112 informaron axiña ao Servizo de Urxencias Sanitarias de Galicia-061, á Garda Civil de Tráfico, á Policía Local e aos efectivos do Servizo Municipal de Protección Civil. Así mesmo, os Bombeiros de Ribeira, nada máis ter coñecemento do suceso tamén se desprazaron ao punto.
Con todo, unha vez no lugar, os Bombeiros de Boiro confirmaron que a persoa estaba liberada, unicamente tiveron que usar os medios para abrir as portas do vehículo, sen ser preciso ter que excarcerar.
Os servizos sanitarios encargáronse do traslado da persoa ferida.
