Antón Luaces.- O arrastreiro vigués Armavén Tres está a ser remolcado cara ao porto irlandés de Castletownbere polo tamén arrastreiro galego Piedras, de bandeira británica, que navegaba nas proximidades cando o primeiro quedou ao garete a causa dos destrozos ocasionados no seu sistema electrónico por unha onda que se abatiu sobre a ponte do barco.
O incidente produciu unha fonda alarma entre os familiares dos dez tripulantes galegos do Armavén Tres. Este emitiu o sinal de auxilio por avarìa. Na súa axuda acudiu o citado Piedras e o helicóptero Rescue 115 do servizo irlandés de rescate marítimo cuxos tripulantes poideron manter contacto fónico co patrón do barco de Vigo quen confirmou que os dez tripulantes estaban sans e salvos e que ían ser remolcados cara ao xa citado porto irlandés onde teñen a súa base a maior parte dos barcos que faenan nesta zona do Gran Sol.
O alumnado dos IES boirenses visitan o Pazo de Goiáns co persoal do Obradoiro de Emprego Torre Goiáns III
As e os participantes no Obradoiro de Emprego medioambiental Torre Goiáns III do Concello de Boiro recibiron estes días a visita do alumnado dos IES de Boiro para ensinarlle o Pazo de Goiáns e os traballos que están a realizar alí. Á visita asistiron a concelleira de...