O PP votou en contra, no Parlamento de Galicia, unha proposición non de lei do PSdeG para lle reclamar á Xunta “tratar a todos os concellos do mesmo xeito, independentemente da cor política que goberne o municipio”.
O PP propuxo votar por separado unha iniciativa socialista que incluía amáis a mellora da seguridade nos portos de Malpica e Barizo, apartado que sí foi aprobado.
O parlamentario socialista Martín Seco, que denunciou ese voto en contra, manifestou que o PP se retrata ao negarse a reclamar un trato equitativo dos concellos galegos.e criticou o desinterese amosado polo goberno galego para a mellora da seguranza dos portos citados desde o falecemento na dársena malpicana do patrón dunha embarcacvión local vai tres anos. Lembrou o “abandono” do Executivo autonómico deste concello, que posúe “o maior porto pesqueiro de baixura da Costa da Morte”.
Pola iniciativa aprobada este martes, o Parlamento de Galicia insta ao goberno galego a levar a cabo con premura os investimentos necesarios na dársena do porto de Malpica e Barizo e no dique de abrigo, amáis do apuntalamento do treito de acceso da dársena para vehículos pesados.
Na súa proposición no de lei, o Grupo Parlamentario dos Socialistas de Galicia afirma que “as condicións de acceso á dársena do porto de Malpica son de moito perigo aínda despois das instalacións de comportas que xeran unhas correntes que complican a circulación das embarcacións, con múltiples accidentes e danos na dársena, nas embarcaciónsw e nos mariñeiros”. E engade que malia os contínuos anuncios da Xunta de galicia sobre as melloras na dársena seguimos á esperar polas ditasb actuacións.