Remolcado a Ribeira un veleiro francés nun novo incidente con candorcas


Unha embarcación de Salvamento Marítimo remolcou este venres ata Ribeira un veleiro francés por rotura no temón tras a acometida dunha candorca.
Sobre as 11,45 horas deste venres recibiu o aviso do veleiro ‘Lle Sterne’, de bandeira francesa con tres tripulantes, que contactou coa Costeira para solicitar asistencia por rotura no temón debido a acometida dunha candorca a 1,5 millas ao oeste da illa de Sálvora.

Foi mobilizada a ‘Salvamar Sargadelos’, que remolcou ao Club Náutico de Ribeira ao veleiro francés, onde chegou ás 14,23 horas deste venres, confirmaron as mesmas fontes.
Tal como informamos en “obarbanza.gal” este é o segundo incidente con candorcas en pouco mais de 24 horas en augas das rías baixas.