Pesar en Ribeira polo falecemento de Andrés Ruiz Pedrayes, pai do alcalde Manuel Ruiz

17 Outubro 2021

Andrés Ruiz Pedrayes, o pai do alcalde de Ribeira, Manuel Ruiz Rivas, faleceu onte aos 96 anos de idade. Os seus restos mortais serán trasladados ás 21.30 horas desde o tanatorio do Barbanza, en Xarás, ata o crematorio, onde será incinerado na intimidade familiar. O martes, ás 20.30 horas, celebrarase unha misa na súa honra na igrexa de Santa Uxía.

Nacido en Cariñena (Zaragoza), Andrés Ruiz trasladouse a Ribeira hai 70 anos para formarse no ámbito farmacéutico. Puxo en marcha a primeira botica de Carreira, aínda que posteriormente trasladouse á cidade ribeirense, onde a farmacia que el fundou aínda continúa aberta na rúa Rosalía de Castro. Fillo, neto e bisnieto de farmacéuticos, deulle continuidade a unha saga que hoxe segue a través de dúas novas xeracións da familia Ruiz.

Desde a súa farmacia, Andrés Ruiz desenvolveu unha das súas virtudes, a solidariedade, sobre todo nos anos de maior penuria económica, concedendo prazos aos veciños para abonar as súas medicinas e mesmo dándollas de forma gratuíta a aqueles que máis necesidades tiñan.

Afeccionado á pesca, foi un dos socios fundadores do Club Náutico de Ribeira, unha entidade que xurdiu na cafetería María, á que el era asiduo. Entre os seus pasatempos estaba tamén o dominó, pero a gran paixón de Andrés Ruiz foi a de seguir aos seus fillos, sobre todo durante a súa etapa como xogadores de fútbol, para animalos en cada partido.

Outros artigos

Publicidade

Revista en papel

Opinión

“Unha de ameixa roubada”. Antón Luaces

“Unha de ameixa roubada”. Antón Luaces

Está visto: seis mil euros non é o valor real da cría de ameixa roubada aos mariscadores do pósito de San Antonio, en Cambados, porque a ameixa substraída da batea de preengorde podería multiplicarse por tres ou catro en base ao resultado dos plans de semente que...

“Los menores inmigrantes”. José Castro López

“Los menores inmigrantes”. José Castro López

La inmigración es responsabilidad del Gobierno, pero su única política conocida fue lasobreactuación que montó en Valencia en 2018 para recibir al Aquarius. Desde aquel“golpe de efecto” no se conocen medidas gubernamentales razonables para enfrentarse aeste...