O PSOE de Ribeira, a través do seu concelleiro e portavoz José Manuel Vilas, presentou unha proposta para ser debatida en pleno relativo á rúa do Brañal en Palmeira e ás queixas que segundo os socialistas están achegando os veciños acerca do servizo que ofrece esta vía pública, que presentaría, indican, “dificultades de circulación” a ter como única vía de conexión a AC-305 tanto de entrada de saída do lugar.
O PSOE reflicte no seu comunicado “unha posíbel solución ao problema”, no camiño público de Mondelo que comunica o lugar da Lomba coa zona do Brañal.
Estes son os puntos da proposición:
1.- A vía pública camiño do Brañal ten unha lonxitude duns 275 metros, dende o treito asfaltado no camiño de Pedriñas ata o tramo pavimentado na zona do Brañal.
2.- O camiño preséntase transitado por tractores e inclúe marcos e fitos ás beiras do camiño veciñal 9011 do polígono 35.
3.- O camiño facilitaría a comunicación entre a zona norte de Palmeira e a zona oeste, incluído o Grupo Escolar.
En virtude de todo o exposto, os socialistas instan ao Concello a “que se proceda a redactar un proxecto de pavimentado do camiño veciñal 9011, considerando a posíbel ampliación da vía actual; debido as necesidades veciñais, e de comunicación interior en Palmeira”.
