P.P. A Terceira División non para, e esta fin de semana terá lugar a xornada 5 na que a totalidade dos seus partidos disputaranse o sábado. O partido da xornada, sen lugar a dúbidas, é o que enfronta ao CD Barco, líder con pleno de vitorias e ao Noia, revelación neste inicio de liga.
Os noieses veñen coa moral polas nubes logo do triunfo fronte ao Ponteareas na casa de maneira cómoda por 3-1, e visitan ao ourensáns, que non saben o que é deixarse aínda puntos neste arranque na Terceira Federación. O Barco vén de gañar por 1-2 nun campo difícil como é o do Vilalbés. Será un encontro no que o Noia tentará xogar as súas rmas, e sobre todo, estar acertado de cara á porta, xa que neste tipo de encontros son vitais os acertos e os erros. Os de Iván Carril marchan quintos na táboa xeral con 7 puntos en catro partidos, e esperan poder voltar á vila aínda que sexa cun punto que lles sirva para manter a boa dinámica coa que veñen.
O encontro disputarase o sábado en Calabalgueiros, a partir das 19:00 horas. Espérase unha moi boa entrada logo de que a Xunta aprobase a lei da ampliación de foros ao máximo en estadios deportivos.
