O Centro Cultural Lustres Rivas inaugurará o vindeiro venres 15 de outubroa exposición de esculturas “Maderas A la deriva- Sílabas de agua”, do artista Jesús A. Martínez Lombó. A mostra está composta por máis de corenta pezas talladas en pedra e madeira combinadas con varios poemas escritos polo propio escultor. A inauguración será ás 21.00.
As figuras que integran a exposición están compostas por un elemento escultórico engarzado en madeira ou outros materiais que o artista foi recollendo polas praias de Barbate de da Ría de Arousa.
Jesús A. Martínez Lombó é, ademáis de escultor, escritor. Publicou os libros de relatos Cuando los humeros duermen, Si tuviera que elegir e La vida de Agua, este último transcorre en Barbanza e as súas historias apoian as figuras desta exposición. En 2017 o relato de Sálvora resultou premiado no III Concurso de Relatos convocado polo Parque Nacional Marítimo Terrestre das Illas Atlánticas de Galicia.
A exposición poderase visitar do 15 de outubro ó 13 de novembro, no Centro Cultural Lustres Rivas, de luns a venres de 10.00 a 14.00 e de 19.00 a 21.00 e tamén os sábados de 11.00 a 14.00. A entrada é de balde.
