O contacontos ciberseguro do CPEIG e AMTEGA recalará en Ribeira e Catoira

O Colexio Profesional de Enxeñaría en Informática de Galicia (CPEIG) e a Axencia para a Modernización Tecnolóxica de Galicia (AMTEGA) inician este 13 de outubro a actividade Ciberseguranza Kids, unha iniciativa enmarcada no convenio de colaboración formalizado polas súas entidades. O obxecto desta actividade, destinada a estudantes de entre sete e doce anos, é explicar aos menores de idade a importancia de protexer as tecnoloxías e a información que estas acubillan. Vén con formato de “contacontos dinámico e participativo”.

A sesión busca tamén familiarizar á rapazada sobre a importancia da era dixital e das posibilidades en positivo que abren as novas ferramentas, sempre e cando se empreguen racionalmente e coa supervisión axeitada. Este iniciativa, explican o colexio e a axencia, achega aos máis novos valores e oportunidades na esfera dixital, pero tamén as normas e límites para un uso seguro da Internet. Ademais, esta iniciativa comprenderá a publicación do conto en dixital para a súa difusión permanente.

O contacontos Ciberserguridade con Sofía mestura narración e ilustración. É unha historia na que se conta dun xeito lúdico ao alumnado os perigos da rede e da ciberseguridade. Tras o conto, o alumnado poderá preguntar dúbidas sobre a temática. A actividade finalizará cun obradoiro de debuxo guiado no que se seguirán as indicacións do ilustrador.

Realizaranse visitas a centros escolares das catro provincias galegas (Lugo: Antas de Ulla, Guitiriz, O Saviñao, e Portomarín; Pontevedra: Ribadumia, Barro, Catoira e Pontevedra; A Coruña: Zas, Ribeira, Santiso e Vimianzo; e Ourense: O Carballiño, Ourense, Ribadavia e Barbadás).

Calendario de visitas

13 de outubro

-Santiso. CEIP Santiago. 13 horas

-Antas de Ulla. CEIP Antas de Ulla. 14:40 horas

14 de outubro

-Pontevedra. CEIP Álvarez Limeses. 8:45 horas

-Barro. CEIP Amor Ruibal. 13 horas

15 de outubro

-O Carballiño. CEIP Calvo Sotelo. 13 horas

-Ribadavia. Escolares dos centros educativos do Concello. Biblioteca Pública Municipal de Ribadavia horario. 9:15 horas

18 de outubro

-Escairón (O Saviñao). CEIP Escairón (pendente confirmación horario)

-Portomarín. CEIP Portomarín (pendente confirmación horario)

-Guitiriz. CEIP Plurilingüe Lagostelle (pendente confirmación horario)

20 de outubro

-Zas. CEIP Zas (pendente confirmación horario)

-Vimianzo (pendente confirmación centro e horario)

21 de outubro

-Ribeira. CEIP Frión (pendente confirmación horario)

-Catoira. CPI Progreso (pendente confirmación horario)

-Ribadumia. CPI Julia Becerra (pendente confirmación horario)

25 de outubro

-Barbadás. CEIP Plurilingüe O Ruxidoiro (pendente confirmación horario)

-Ourense. Colexio Plurilingüe Luis Vives (pendente confirmación horario)