O organismo esixe á Xunta un estudo radiolóxico da mina de San Finx pola posible presenza de uranita e bloquea a reapertura ou peche da explotación ata que se lle entregue.
Maís problemas nas históricas minas de wolframio de San Finx, un enclave que recuperou primeiro o naufragado Incremento Grupo Investidor e que adquiriu a división mineira de Sacyr para a súa explotación, aínda que actualmente a actividade atópase paralizada. E así parece que continuará. O Consello de Seguridade Nuclear condicionou calquera labor de investigación, reapertura ou peche da mina de Lousame a que se lle presente e poida revisar un estudo radiolóxico que requiriu á Directora Xeral de Planificación Enerxética e Recursos Naturais da Xunta, Paula Uría.
Segundo recolle “Economía Digital Galicia” a petición do organismo competente en materia de seguridade nuclear prodúcese tras recibir a información remitida por Ecoloxistas en Acción, quen lle trasladou un estudo da Universidade de Oviedo que demostra a presenza no terreo de uranita, o material do uranio. O estudo debe englobar o período no que a mina estivo en funcionamento. “Calquera actividade de investigación, clausura ou reapertura da mina, require a revisión do estudo radiolóxico”, engade o CSD.
