A agrupación de voluntarios de Protección Civil do Concello de Boiro realiza unha doazón de material para enviar a La Palma. Esta iniciativa parte da ANAV de Protección Civil en relación á petición realizada polas asociacións de Los Lanos de Aridane e El Paso de La Palma das necesidades de material tanto técnico como para a poboación afectada.
Dende o Concello de Boiro doouse un total de 100 mantas de 160×220 centímetros, 1112 máscaras faciais de nenos/as e 4000 mascaras de adultos. O persoal da agrupación de Boiro levou a Carballo o material remitido polo Concello de Boiro, onde se están a centralizar as recollidas para realizar un envío conxunto a La Palma.
