P.P.- Os noieses debutaron no pavillón Alonso Rodríguez esta tempada con derrota fronte ao conxunto da Estrada. Os Maderas Zamar levouse o gato á auga logo dun vibrante partido que se deicdiu nos últimos segundos (67-71).
O Club Baloncesto Noia foi de menos a máis. No inicio de partido os visitantes controlaron o xogo, o que lles permitiu poñerse por diante no marcador. Os locais saíron moi acelerados, o que provocou numerosas pérdidas, que os da Estrada aproveitaban para anotar tras recupración. No segundo cuarto unha pequena reacción local permitiu igualar o marcador, pero as faltas e o oficio dos visitantes lles permitiu chegar ao descanso con vantaxe, 25 a 35.
Logo da reanudación, o Berberecho Noia saíu coas ideas máis claras en ataque e aumentando a intensidade defensiva permitiulles igualar o partido. No último parcial decidiuse todo, e ahí os da Estrada foron mellores, para levarse o primeiro triunfo da temporada por 67-71.
Destacoua actuación de Mario Rodríguez que anotou 12 puntos para os noieses, e nos visitantes Samuel Pernas marcou a diferenza con 28 puntos.
